عێراق پێنج هەزار و 500 مێگاوات کارەبا لە دەستدەدات

ئاڤا نیوز

 

بەهۆی پرۆسەی چاککردنەوەی هێڵەکانی هاوردەکردنی غاز لە ئێرانەوە، عێراق پێنج هەزار و 500 مێگاوات کارەبا لەدەستدەدات و وەزارەتی کارەباش دەڵێت "کاتییە و لە دەرەوەی کۆنترۆڵی ئێمەدایە".
 
ڕاگەیێنراوی فەرمی: وەزارەتی کارەبای عێراق ڕایگەیاند: هێڵەکانی هاوردەکردنی غازی ئێران بەهۆی چاککردنەوە لە بەغدا و ناوچەکانی ناوەڕاست و پارێزگاکانی فوڕاتی ناوەڕاست بۆ ماوەی 15 ڕۆژ بەتەواوی ڕاگیراوە،  ئەمەش بووەتە هۆی لە دەستدانی پێنج هەزار و 500 مێگاوات کارەبا.

 

زانیاریی زیاتر: وەزارەتی کارەبای عێراق ڕاشیگەیاندووە، کار لەسەر پلانی ستراتیژی دەکەین بۆ بەرزکردنەوەی توانای بەرهەمهێنانی کارەبای نیشتمانی لەڕووی بەرهەمهێنان، گواستنەوە و دابەشکردن و لەپێناو دابینکردنی کارەبای پێویستیش لەو ماوەیەدا، هەماهەنگی لەگەڵ وەزارەتی نەوت کراوە بۆ قەرەبووکردنەوەی کەمبوونەوەی غاز.