سەرۆکایەتیی هەرێمی کوردستان پەسەندکردنی ئەنجامەکانی هەڵبژاردن ڕادەگەیەنێت

ئاڤا نیوز

 

دوای ئەوەی کۆمیسیۆنی باڵای سەربەخۆی هەڵبژاردنەکان نووسراوی پەسەندکردنی ئەنجامی کۆتایی هەڵبژاردنی بڵاوکردەوە، ئەمشەو سەرۆکایەتیی هەرێمی کوردستان پەسەندکردنی ئەنجامەکانی ڕاگەیاند.

 

لێدوانی فەرمی: ڕۆژی یەکشەممە 24-11-2024 دڵشاد شهاب، وتەبێژی سەرۆکایەتیی هەرێمی کوردستان ڕایگەیاند، ئەمڕۆ کۆمیسیۆنی باڵای هەڵبژاردنەکان بە نووسراوی فەرمی، سەرۆکایەتیی هەرێمی کوردستانی لە پەسەندکردنی ئەنجامەکانی هەڵبژاردنی خولی شەشەمی پەرلەمانی کوردستان ئاگادارکردەوە.

 

ئەمەش بزانە: لەبارەی ڕێوشوێنەکانی دوای پەسەندکردنی ئەنجامەکان، وتەبێژی سەرۆکایەتی ئاماژەی بەوەکرد، بەپێی یاسای سەرۆکایەتی، لە داهاتوویەکی نزیکدا سەرۆکی هەرێمی کوردستان فەرمان بۆ بەڕێوەچوونی دانیشتنی یەکەمی خولی شەشەمی پەرلەمانی کوردستان دەردەکات.