دوای هەڕەشە جددییەکانی ئیسرائیل، سێ ڕۆژە لە عێراقەوە هیچ هێرشێک نەکراوە

ئاڤا نیوز

 

دوای چڕبوونەوەی هەڕەشەکانی ئیسرائیل بۆ سەر عێراق، لە ڕۆژی 21ـی ئەم مانگەوە موقامەوەی ئیسلامی عێراق هێرشی نەکردووەتە سەر ئیسرائیل.

وێنە گەورەکە: بەرەی موقاوەمەی عێراق وەک هاوپەیمانی موقاوەمەی لوبنانی و یەمەنی ڕۆژانە هێرشی دەکردە سەر ئیسرائیل و لە ڕێگەی ڤیدیۆوە لە تۆڕە کۆمەڵایەتییەکان بڵاوی دەکردەوە کە پاڵپشتی لە گەلی فەڵەستین و لوبنان دەکەن.

ئەوەی پێویست بیزانیت: بەهۆی بەردەوامی ئەو هێرشانەوە، وەزارەتی دەرەوەی ئیسرائیل سکاڵای لە ئەنجوومەنی ئاسایشی نێودەوڵەتی لەسەر عێراق تۆمارکرد کە ئەو هێرشانەی لەلایەن گرووپە چەکدارەکانی سەر بە عێراقەوە دەکرێتە سەریان سەر بە حکومەتن. 

زانیاریی زیاتر: فوئاد حوسێن، وەزیری دەرەوەی عێراق لە کۆڕبەندی مێپس بۆ یەکەمجار ئاشکرای کرد، بە نووسراو و بە زارەکی ئیسرائیل هەڕەشەی لە عێراق کردووە. 

لەلایەکی دیکەوە: وەزارەتی دەرەوەی عێراق، بە فەرمی بە ئەنجوومەنی ئاسایشی نێودەولەتییان ڕاگەیاندووە ئەرکی خۆی جێبەجێ بکات و ئاشتی و ئاسایشی ناوچەکە بپارێزت. هاوکات بە نامەی فەرمیش کۆمکاری عەرەبی و ڕێکخراوی هاریکاری ئیسلامییان لەبارەی هەڕەشەکانی ئیسرائیل ئاگادارکردووەتەوە.