دوو کەس بە پاسپۆرتی "ساختە"ی ئیسرائیلی لە فڕۆکەخانەی کەرکووک دەستگیر دەکرێن

ئاڤا نیوز

 

دوو کەس لەلایەن فڕۆکەخانەی نێودەوڵەتی کەرکووکەوە دەستگیر دەکرێن کە پاسپۆرتی ساختەی ئیسرائیلیان پێ بووە، سەرچاوەیەکیش لە پۆلیسی کەرکووک ڕەتیدەکاتەوە هیچ کەسێک لە پارێزگاکە لەسەر ئەو بابەتە دەستگیر کرابێت.

 

زانیاریی بەدەستهاتوو: سەرچاوەیەکی ئەمنی لە پارێزگای کەرکووک ئەوەی بە میدیای عێراق ڕاگەیاندووە، کە دوو کەس لەلایەن دەسەڵاتدارانی فڕۆکەخانەی نێودەوڵەتی کەرکووکەوە دەستگیر کراون، دواتر دەرکەوتووە کە ئەو دوو کەسە پاسپۆرتی ساختەی ئیسرائیلیان پێ بووە.

 

زانیاریی زیاتر: بە گوتەی سەرچاوەکە، سەعد خەلەف تەمیمی، بەڕێوبەری بەشی پاسپۆرتی فڕۆکەخانەی نێودەوڵەتی کەرکووک، لە کاتی وردبینیکردنی پاسپۆرتەکان دوو کەسی دەستنیشان کردووە کە پاسپۆرتی ساختەی ئیسرائیلیان پێ بووە. دواتر هەردووکییان لەلایەن تیمی پاسپۆرتەوە دەستگیرکراون و لێکۆڵینەوەیان لەگەڵ دەکرێت.

 

لەلایەکی دیکە: سەرچاوەیەک لە پۆلیسی کەرکووک بۆ ئاڤا میدیا، ڕەتیکردەوە هیچ کەسێک لەسەر پاسپۆرتی ساختە لە پارێزگاکە دەستگیرکرابێت.