ساڵانە 300 ملیار دۆلار بۆ بەرەنگاربوونەوەی گۆڕانی ئاو و هەوا تەرخان دەکرێت

ئاڤا نیوز

 

لەگەڵ تەواوبوونی کۆپ 29ی تایبەت بە ئاو و هەوا لە باکۆی پایتەختی ئازەربایجان، وڵاتانی جیهان ڕەزامەندییان دەربڕی بۆ یارمەتیدانی وڵاتانی هەژار. 

 

ڕاگەیێنراوی فەرمی: نەتەوەیەکگرتووەکان و وڵاتە بەهێزەکانی جیهان، ڕێککەوتن لەسەر ئەوەی لە ساڵی 2025 ەوە ساڵانە 300 ملیار دۆلار بە وڵاتە هەژارەکان ببەخشن، بۆ ڕووبەڕووبوونەوەی قەیران و گۆڕانەکانی کەش و هەوا.

 

زانیاریی بەدەستهاتوو: ئەم ڕێککەوتنە نوێیە تایبەتە بە وڵاتانی دەوڵەمەندی وەک ئەمریکا و ئەوروپا, کە پێویستە تا ساڵی 2035 ساڵانە هاوکاریی دارایی پێشکەش بە وڵاتانی هەژار بکەن، کە بڕەکەی 300 ملیار دۆلارە. 

 

بۆچی گرنگە: وڵاتە تازە پێگەیشتووەکان ئەو بڕە داراییە پێویستەیان نییە کە بتوانن دژ بە کارەساتەکانی کەشوهەوا بوەستنەوە، بۆیە ئەم هاوکارییە داراییە دەتوانێت یارمەتیدەربێت بۆیان.