عێراق ڕەتیدەکاتەوە پەیامی ئیسرائیلی لەلایەن باڵیۆزی ئازەربایجانەوە پێگەیشتبێت

ئاڤا نیوز

 

ڕاوێژکاری ئاسایشی نیشتیمانی عێراق لە بەیاننامەیەکدا ڕەتیکردەوە، عێراق پەیامی هەڕەشەی ئیسرائیلی لە ڕێگەی باڵیۆزی ئازەربایجان لە عێراق پێگەیشتبێت.

 

وێنە گەورەکە: لە ڕۆژانی ڕابردوو دەنگۆی ئەوە لە میدیاکانی عێراق بڵاو بووە، ئیسرائیل لە ڕێگەی باڵیۆزی ئازەربایجان هەڕەشەی لە حکومەتی عێراق کردووە، سەبارەت بەو دەنگۆیەش ڕاوێژکاری ئاسایشی نیشتیمانی عێراق بەیاننامەیەکدا ئەو دەنگۆیە ڕەتدەکاتەوە.

 

ڕاگەیێنراوی فەرمی: قاسم ئەعرەجی، ڕاوێژکاری ئاسایشی نیشتیمانیی عێراق لە تۆڕی "ئێکس" ڕایگەیاند: ڕەتیدەکەینەوە ئەوەی لە چەند ماڵپەرێک بڵاوکراوەتەوە، گوایە باڵیۆزی ئازەربایجان لە بەغدا پەیامی ئیسرائیلی بۆ عێراق گواستبێتەوە.