پەرلەمانی عێراق لەبارەی یاسای بودجە کۆدەبێتەوە

ئاڤا نیوز

 

بڕیارە ئەمڕۆ پەرلەمانی عێراق بۆ تاوتوێکردنی چەند پرسێک کۆببێتەوە کە لەنێویاندا خوێندنەوەی یەکەم بۆ هەموواری یاسای بودجەی گشتی دەکرێت.

 

ڕاگەیێنراوی فەرمی: فەرمانگەی ڕاگەیاندنی پەرلەمانی عێراق خشتەی دانیشتنی ئەمڕۆی بڵاوکردووەتەوە، کە بڕیارە کاتژمێر 11:00 دانیشتنەکە دەست پێ بکات. 

 

زانیاریی زیاتر: بڕگەکانی دانیشتنی ئەمڕۆی پەرلەمان پێکهاتوون لەم چەند خاڵە:

 

1- دەنگدان لەسەر پرۆژە یاسای پەسەندکردنی ڕێککەوتننامەی گواستنەوەی ئاسمانیی نێوان عێراق و ڕووسیا.

2- خوێندنەوەی یەکەم بۆ پرۆژە یاسای ڕێکخستنی مافەکانی سەرجەم قوربانییانی نەخۆشخانەی ئەبو خەتیب، ناوەندی نەقا و ڕووداوەکەی حەمدانییە.

3- خوێندنەوەی یەکەم بۆ پرۆژە یاسای هەمواری پێنجەمی یاسای فڕۆکەوانیی مەدەنی.

4- خوێندنەوەی یەکەم بۆ پرۆژە یاسای هەمواری یەکەمی یاسای بودجەی گشتیی فیدراڵی بۆ ساڵەکانی '2023، 2024 و 2025'.

5- خوێندنەوەی دووەم بۆ پرۆژە یاسای هەمواری یەکەمی یاسای بەرگریی شارستانی.