ڕاگەیێنراوێک لە دادگای فیدراڵییەوە لەبارەی مووچە

ئاڤا نیوز 

 

دادگای باڵای فیدراڵی عێراق دوای کۆبوونەوەی لەگەڵ سەرۆکی فراکسیۆنە کوردستانییەکان، لە بەیاننامەیەکدا جەخت لەسەر جێبەجێکردنی بڕیارەکەی دەکاتەوە بۆ چارەسەرکردنی کێشەی نە ناردنی مووچەی فەرمانبەرانی هەرێمی کوردستان.

وێنە گەورەکە: ڕۆژی دووشەممە سەرۆکی فراکسیۆنە کوردستانییەکانی پەرلەمانی عێراق، لەگەڵ شاخەوان عەبدوڵڵا، جێگری سەرۆکی پەرلەمان بۆ پرسی مووچە سەردانی دادوەر جاسم محەممەد، سەرۆکی دادگای فیدراڵی عێراقیان کرد.

 

ڕاگەیێنراوی فەرمی: دادگای باڵای فیدراڵی لە بەیاننامەیەکەدا ڕایگەیاند: لە کۆبوونەوەکەدا گفتوگۆ لەسەر بڕیاری دادگای باڵای فیدراڵی دەربارەی مووچەی فەرمانبەرانی هەرێمی کوردستان کرا و جەخت لەسەر جێبەجێکردنی وردەکاریی بڕیارەکە کرایەوە.

 

ئەوەی پێویستە بیزانیت: سەرەتای ئەمساڵ دادگای فیدراڵی عێراق بڕیاری دا پێویستە پرسی مووچەی مووچەخۆرانی هەرێمی کوردستان لە کێشە سیاسییەکان جیابکرێتەوە و نابێت بە هیچ بیانوویەک ڕابگیرێت، بەڵام تاوەکو ئێستا بڕیارەکە وەکو خۆی جێبەجێ نەکراوە.