نێچیرڤان بارزانی فەرمانی بەڕێوەچوونی یەکەم دانیشتنی پەرلەمانی دەرکرد

ئاڤا نیوز

 

وتەبێژی سەرۆکایەتیی هەرێمی کوردستان لە کۆنگرەیەکی ڕۆژنامەوانیدا کاتی یەکەم دانیشتنی پەرلەمانی کوردستانی دیاری کرد.

 

لێدوانی فەرمی: دڵشاد شەهاب، وتەبێژی سەرۆکایەتیی هەرێمی کوردستان ڕایگەیاند، لەگەڵ لایەنە سیاسییەکان هەماهەنگی دەکەن بۆ ڕێکخستنی یەکەم دانیشتنی پەرلەمانی کوردستان، هاوکات ڕۆژی 02-12-2024 کاتژمێر 11ـی پێشنیوەڕۆ وەک یەکەم ڕۆژی دانیشتنی پەرلەمانی کوردستان دیاریکراوە.

 

دڵشاد شەهاب باسی لەوەش کرد جگە لە کۆمەڵی دادگەری، لایەنەکانی دیکە ئامادەیی خۆیان بۆ بەشداریکردن لە کۆبوونەوەکە دەربڕیوە و هەوڵەکان بۆ ئەوەن بەزووترین کات کابینەی دەیەمی حکومەتی هەرێمی کوردستان پێکبهێنرێت.

 

بۆچی گرنگە؟ بەتەمەنترین ئەندام سەرۆكایەتیی دەكات كە پەرلەمانتارێكی جووڵانەوەی نەوەی نوێیە. بەگوێرەی یاسا دەبێت لەم دانیشتنەدا دەستەی سەرۆكایەتیی پەرلەمان هەڵبژێردرێت، بەڵام بەهۆی ئەوەی تائێستا هیچ جۆرە ڕێككەوتنێك بۆ پێكهێنانی كابینەی دەیەم لەنێوان لایەنەکاندا نییە، پێشبینی دەكرێت دانیشتنەکە بەكراوەیی بمێنێتەوە تا ئەوكاتەی ڕێككەوتن لەسەر دابەشكردنی پۆستەكان دەكرێت.