دەرکردنی ڕۆژنامەنووسان لە باڵەخانەی پەرلەمانی عێراق ناڕەزایی لێ دەکەوێتەوە

ئاڤا نیوز

ڕێکارێکی پەرلەمانی عێراق بۆ دوورخستنەوەی ناوەندیی ڕۆژنامەنووسان بۆ دەرەوەی باڵەخانەی پەرلەمان، ناڕەزایی بەشێک لە پەرلەمانتارانی لێدەکەوێتەوە.

وێنە گەورەکە: بەگوێرەی زانیارییەکانی ئاڤا، پێشنیازی گواستنەوەی ناوەندیی ڕۆژنامەنووسان بۆ دەرەوەی باڵەخانەی پەرلەمان کراوە، پێشنیازەکە لەلایەن موحسین مەندەلاوی، جێگری یەکەمی سەرۆکی پەرلەمان کراوە بە ئامانجی ئەوەی ڕێگری لە ڕۆژنامەنووسان بکرێت بە مۆبایلەکانیان وێنە و زانیاریی لە پەرلەمانتاران وەربگرن.

ڕاگەیێنراوی فەرمی: ئیبتیسام هیلالی، ئەندامی پەرلەمانی عێراق لە ڕاگەیێنراوێکدا دەڵێت، گواستنەوەی ناوەندیی ڕۆژنامەنووسان بۆ دەرەوەی باڵەخانەی پەرلەمان ڕەتدەکەنەوە و داواش لە سەرۆکی پەرلەمان دەکەن جێبەجێکردنی ئەو ڕێکارە ڕابگرێت.

ئەوەی پێویستە بیزانیت: بەگوێرەی پێشنیازەکە ناوەندی ڕاگەیاندن بۆ دەرەوەی باڵەخانەی پەرلەمان دەگوازرێتەوە کە ئیستا لە نهۆمی یەکەمی پەرلەمانە و دەکەوێتە نزیک ژووری جێگری یەکەمی سەرۆکی پەرلەمان، ئەگەر پەرلەمانتارانیش بیانەوێت لێدوان بۆ ڕۆژنامەنوسان بدەن، دەبێت بچنە ناوەندە نوێیەکە کە 300 مەتر لە باڵەخانەی پەرلەمان دوور دەبێت.