وادەی کۆتاییهاتنی شەپۆلی بارانبارین لە هەرێمی کوردستان ڕاگەیەنرا

ئاڤا نیوز

 

کەشوهەوای هەرێمی کوردستان ئاسایی دەبێتەوە، ئەو شەپۆلە بارانبارین کە  ناوچەکانی هەرێمی کوردستانی گرتووەتەوە کۆتایی دێت، لەمڕۆوە کەشی ئاسمان بۆ ساماڵ دەگۆڕێت.

 

وێنە گەورەکە: ماوەی چوار ڕۆژە شەپۆلێکی باران و بەفر ڕووی لە ناوچەکانی هەرێمی کوردستان کردووە و پلەکانی گەرما دابەزیون، لە ناوچە شاخاوییەکان بەفر باریوە، کاریگەری ئەم شەپۆلەش تاوەکو ئێوارەی ئەمڕۆ چوارشەممە بەردەوام دەبێت.

 

لێدوانی فەرمی: دیلان غەفور، وتەبێژی وەزارەتی گواستنەوە و گەیاندن بە ئاڤا نیوزی ڕاگەیاند، "کەشی ئەمڕۆ  ئاسمان بەگشتی نیمچە هەور دەبێت، ناوچە شاخاوییە بەرزەکان و سنوورییەکان  ئەگەری کەمێک بەفری دەبێت، باران بارینی پچڕ پچڕ لە سەنتەری پارێزگاکان تاوەکو دوای نیوەڕۆ بەردەوام دەبێت، لە ئێوارە کەشەکە جێگیر دەبێت و کاریگەری ئەم شەپۆڵە باران بارینەی ڕووی لەناوچەکەمان کردبوو کۆتایی دێت."

ئەوەی پێویستە بیزانیت: بەشێوەیەکی گشتیی بەرزترین پلەکانی گەرمای پێشبینیکراو بە پلەی سیلیزی لە ناوچەکانی هەرێمی کوردستان بەمشێوەیە دەبێت.

هەولێر : 13 پلەى سیلیزى
سلێمانی: 11 پلەى سیلیزى
دهۆک: 10 پلەى سیلیزى
کەرکوک: 17 پلەى سیلیزى
هەڵەبجە: 12  پلەى سیلیزى
زاخۆ: 12 پلەى سیلیزى
حاجی ئۆمەران : 2 پلەى سیلیزى
سۆران: 10 پلەى سیلیزى
گەرمیان: 20 پلەى سیلیزى