عێراق پێشوازیی لە ئاگربەستەکەی نێوان لوبنان و ئیسرائیل دەکات

ئاڤا نیوز

 

عێراق پێشوازیی لە ئاگربەستەکەی نێوان لوبنان و ئیسرائیل بۆ ڕاگرتنی گرژییەکان دەکات و داواش دەکات هەمان هەنگاو بۆ کۆتاییهێنان بە کۆمەڵکوژییەکان، لە غەززەش پەیڕەو بکرێت.

 

وێنە گەورەکە: ئەمڕۆ چوارشەممە وەزارەتی دەرەوەی عێراق لە ڕاگەیێنراوێکدا باسی لەوەشکردوە، وڵاتەکەی ئومێدەوارە ئەو ئاگربەستە کۆتایی بەو نەهامەتییانە بهێنێت کەبەسەر گەلی لوبناندا هاتوون، هاوکات جەختیش لە چڕکردنەوەی هەوڵەکان دەکاتەوە بە ئاڕاستەی ڕاگرتنی هەموو گرژییەکان و پاراستنی ئاسایشی ناوچەکە.

 

زانیاریی زیاتر: عێراق داواش لە کۆمەڵگەی نێودەوڵەتی دەکات هەنگاوی بەپەلە و ڕاستەقینە بگرێتەبەر، بۆ ڕاگرتنی ئەو کۆمەڵکوژیی و دەستدرێژییانەی گەلی فەڵەستین لە غەززە ڕووبەڕووی دەبێتەوە.