دەست بەسەر ماڵ و موڵکی تۆمەتبارانی دزیی سەدەدا دەگیرێت

ئاڤا نیوز

 

دەستەی گشتیی باجەکان نووسراوێکی دەرکرد بۆ دەستبەسەر داگرتنی ماڵ و موڵکی نور زوهێر، تۆمەتباری سەرەکیی دزیی سەدە و دوو تاوانباری دیکەی دۆسیەکە.

 

وێنە گەورەکە: دۆسیەی دزی و دواتر بردنە دەرەوەی بڕی 2.5 ملیار دۆلار لە دەستەی گشتیی باج لە بانکی ڕافیدەین، یەكێکە لە گەورەترین گەندەڵی دارایی لە عێراق کە بە "دزیی سەدە" ناسراوە.

 

ڕاگەیێنراوی فەرمی: مستەفا سەنەد، پەرلەمانتاری عێراق لە تۆڕی کۆمەڵایەتی "فەیسبووک" ڕایگەیاند: بە هەماهەنگی لەگەڵ دەستەی باجەکان، نووسراوێک گشتگیر کرا بۆ دەستبەسەر داگرتنی عەقاراتی تاوانبار نوور زوهێر و هەموو ئەوانەی پێشتر سزا دران و پەرەپێدانی مامەڵەکردنی فرۆشتن ڕاگیرا.

 

زانیاریی زیاتر: ڕۆژی دووشەممەی ڕابردوو، دادگای تاوانەکانی کەرخ بۆ بەرەنگاربوونەوەی گەندەڵی سزای 10 ساڵ زیندانی بەسەر نوور زوهێر سەپاند، هاوکات ڕائید جووحی سزای شەش ساڵ و هەیسەم جبووری، پەرلەمانتاری پێشوو سزای سێ ساڵیان بۆ دەرچوو.