شەشەمین پێشانگەی نێودەوڵەتیی سلێمانی بۆ كتێب کرایەوە

ئاڤا نیوز

 

شەشەمین پێشانگەی نێودەوڵەتیی كتێب، بە بەشداریی زیاتر لە 200 كۆمپانیای ناوخۆیی و بیانی لە 12 وڵاتی جیاوازەوە، لە شاری سلێمانی دەستیپێکرد.

 

وێنە گەورەکە: ئەمڕۆ پێنجشەممە 28-11- 2024، کاتژمێر 11ی پێش نیوەڕۆ، شەشەمین پێشانگەی نێودەوڵەتیی كتێب، بە سەرپەرشتیی وەزارەتی ڕۆشنبیریی حكومەتی هەرێمی كوردستان لە شاری سلێمانی کرایەوە. هەزاران ناونیشانی نوێی کتێب دەخرێنەڕوو و چاپخانەکان لە ناوخۆ و وڵاتانی دراوسێ و ناوچەکە بەشداریی پێشانگەکەیان کردووە.

 

زانیاریی زیاتر: پێشانگەکە ئەمڕۆ کرایەوە و تاوەکو 9-12- 2024 بەردەوام دەبێت و بۆ یەكەمجاریشە کتێبخانەی چەند زانکۆیەک بەشداریی پێشانگەکە دەکەن، لە نێویشیاندا زانكۆی سلێمانی كتێبەكانی لەم پێشانگەیەدا نمایش دەكات.

 

ئەوەی پێویستە بیزانیت: پێشانگەکە ڕۆژانە لە کاتژمێر 10ی بەیانییەوە تاوەکو 6ی ئێوارە کراوە دەبێت بۆ پێشوازی لە سەردانیکارانی.