شەش بارەگای داعش لە ئەنبار بۆردوومان دەکرێت

ئاڤا نیوز

 

هێزی ئاسمانی عێراق بە فڕۆکەی ئێف-16 هێرشێکی ئاسمانی دەکاتە سەر شەش بارەگای داعش لە وادی حۆرانی پارێزگای ئەنبار.

 

وێنە گەورەکە: لەگەڵ ئەوەی حەوت ساڵ بەسەر کۆتاییهاتنی ڕێکخراوی داعش لە عێراق تێدەپەڕێت، بەڵام تا ئێستا شانە نوستووەکانی ئەو ڕێکخراوە، جار جارە چالاکی دژی هێزە ئەمنییەکان و هاووڵاتییان ئەنجام دەدەن.

 
ڕاگەیێنراوی فەرمی: شانەی ڕاگەیاندنی ئەمنیی عێراق بڵاوی کردەوە: دوای کۆکردنەوەی زانیاریی هەواڵگری، ئێوارەی ئەمڕۆ شەش بارەگای چەکدارانی داعش لە وادی حۆران لە پارێزگای ئەنبار بە فڕۆکەی ئێف-16 کرایە ئامانج.

 

ڕاگەیێنراوەکە ئەوەشی خستەڕوو، ئەو بارەگایەی کراوەتە ئامانج، کەوتووەتە نێو چوارچێوەی کەرتی فەرماندەیی ئۆپەراسیۆنەکانی ئەنبار، تائێستاش ژمارەی کوژراوانی چەکدارانی داعش نەزانراوە.