دادگای تاوانە نێودەوڵەتییەکان پێداچوونەوە بە بڕیاری دەستگیرکردنی نەتانیاهۆ و گالانت ڕەتدەکاتەوە

ئاڤا نیوز

 

دوای ئەوەی دادگای تاوانی نێودەوڵەتی بڕیاری دەستگیرکردنی بۆ هەریەک سەرۆکوەزیرانی ئیسرائیل و وەزیری بەرگریی پێشووی ئەو وڵاتە دەرکرد، ئێستا دادگاکە ڕەتیدەکاتەوە پێداچوونەوە بە بڕیارەکە بکات.

 

ڕاگەیێنراوی فەرمی: کەریم خان، داواکاریی گشتی دادگای تاوانە نێودەوڵەتییەکان، سەبارەت بە ڕەتکردنەوەی پێداچوونەوە بڕیاری دەستگیرکردنی بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت، وەزیری بەرگریی پێشووی ئیسرائیل ڕایگەیاند،'' لەئێستادا کاتێکی گونجاو نییە بۆ پێداچوونەوە بە داوایەکی لەم شێوەیە، بەڵام ئەگەری هەیە لە قۆناغەکانی داهاتوودا داواکارییەکی لەو شێوەیە پێشکەش بکرێت''.
 
بۆچوونی لایەنی بەرامبەر: بنیامین نەتانیاهۆ، سەرۆکوەزیرانی ئیسرائیل سەبارەت بە بڕیاری دادگا گوتی، "ئیسرائیل دان بە بڕیارەکەی دادگای تاوانە نێودەوڵەتییەکان نانێت، ئێمە بەردەوام دەبین و هیچ فشارێک کارمان  لێناکات". 

 

ئەوەی پێویستە بیزانیت: بەگوێرەی دادگای تاوانە نێودەوڵەتییەکان، ئەو تاوانانەی لە کەرتی غەززە ئەنجامدراون لەژێر ڕۆشنایی بڕیاری بنیامین نەتانیاهۆ، سەرۆکوەزیرانی ئیسرائیل، یۆئاڤ گالانت، وەزیری بەرگریی پێشووی ئیسرائیل بوون.