شێخ دارا: شەپۆلێکی بەهێزی بارانبارین ڕوو لە هەرێمی کوردستان دەکات

ئاڤا نیوز

 

پێشبینی دەکرێت لە بەیانییەوە پلەکانی گەرما لە هەرێمی کوردستان بەرز ببێتەوە، شێخ دارا دەڵێت،  ئەم هەفتەیە بارانێکی کەم دەبارێت و هەفتەی داهاتووش شەپۆلێکی بەهێز ڕوو لە ناوچەکانی هەرێمی کوردستان دەکات.

 

وێنە گەورەکە: ماوەی 13 ڕۆژە کاریگەری شەپۆلێکی سەرمای جەمسەری باکوور ناوچەکانی هەرێمی کوردستانی گرتووەتەوە، لە ناوچە شاخاوییەکان بەفر و لە ناوچەکانی دیکەش باران باریوە، پلەکانی گەرما چەند پلەیەک دابەزین لە سبەینێوە بەرز دەبنەوە.
 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا میدیا لە گەشتی هەواڵەکانی کاتژمێر 07:00 گوتی، "لە سبەینێوە پلەکانی گەرما دوو بۆ سێ پلە بەرز دەبنەوە، بەڵام لەم هەفتەیە کاریگەری شەپۆلێکی لاوازی بارانبارین دێتە هەرێمی کوردستان و لە ناوچە جیاوازەکان بەبڕی جیاواز باران دەبارێت."

 

هاوکات شێخ دارا گوتی، "هەفتەی داهاتوو شەپۆلێکی بەهێزی بارانبارین ڕوو لە هەرێمی کوردستان دەکات، بڕێکی دڵخۆشکەری باران دەبارێت."