کۆنفڕانسی نێودەوڵەتیی توێژینەوە نێوانییەکان لە هەولێر ساز دەکرێت

ئاڤا نیوز

 

ئەمڕۆ پێنجەمین کۆنفرانسی زانستیی نێودەوڵەتی لە ژێر چاودێری سەرۆکوەزیران مەسرور بارزانی، لە هەولێر بەڕێوەدەچێت، دەیان توێژینەوەی زانستی لە بوارە جیاوازەکان تێدا دەخرێتەڕوو.

 

زانیاریی بەدەستهاتوو: کاتژمێر 10:00ی سەربەیانی ئەمڕۆبە دروشمی 'توێژینەوە نێوانییەکان خەسڵەتی کاری توێژینەوە مۆدێرنەکانە لە جیهانی یاسادا'، ناوەندی توێژینەوەی یاسایی وەزارەتی داد پێنجەمین کۆنفرانسی زانستیی نێودەوڵەتی لە هۆڵی سەعد عەبدوڵڵا ساز دەکات.

 

زانیاریی زیاتر: کۆنفرانسەکە لەژێر چاودێری سەرۆکوەزیران مەسرور بارزانی و بەسەرپەرەشتی وەزیری داد بەڕێوەدەچێت و دوو ڕۆژ بەردەوام دەبێت.

 

ئەوەی پێویستە بیزانیت: لەم دوو ڕۆژەدا 10 دانیشتن بەڕێوەدەچێت، هەروەها 36 توێژینەوە لە بوارە جیاوازەکان دەخرێنەڕوو.