نێچیرڤان بارزانی: مستەفا زەڵمی جووڵانەوەیەکی فکری گەورەی دروست کرد

ئاڤا نیوز

 

بە ئامادەبوونی نێچیرڤان بارزانی، سەرۆکی هەرێمی کوردستان و دەیان کەسایەتیی سیاسیی و ئایینی لە شاری هەولێر، یادی دایکبوونی پرۆفیسۆر د. مستەفا زەڵمی بەرز ڕاگیرا.

 

چیرۆکە سەرەکییەکە: یادی سەد ساڵەی لەدایکبوونی د. مستەفا زەڵمی، زانای ناسراوی کورد لە هۆڵی سەعد عەبدوڵڵا بە ئامادەبوونی سەرۆکی هەرێمی کوردستان، کەسی دووەمی شێخی ئەزهەر، سەرۆکی زانکۆی ئەزهەر، وەقفی سوونی و وەقفی شیعی، هاوکات دەیان کەسایەتیی ئایینی و سیاسیی لە هەرێمی کوردستان بەرز ڕاگیرا.

 

لێدوانی فەرمی: نێچیرڤان بارزانی لە مینای بەڕێوەچوونی یادی لە دایکبوونی د. مستەفا زەڵمی گوتارێکی پێشکەشکرد و ڕایگەیاند: د. مستەفا، باوەڕی وابوو کە شەریعەتی ئیسلام و یاسای مودێرن دژ بە یەک نین سەرجەم نووسین و کتێبەکانیشی لەگەڵ قورئانی پیرۆز یەکیان دەگرتەوە.

 

سەرۆکی هەرێمی کوردستان گوتیشی: مستەفا زەڵمی، هێمای چاکسازیی و نوێکردنەوە بوو لە هەمان کاتدا کاری دەکرد بۆ دروستکردنی کۆمەڵگەیەکی دادپەروەر بۆیە قەرزداری زانستی ئەو زانایەین.

 

لە لایەکی دیکەوە: سەرۆکی هەرێمی کوردستان باسی لە بۆچوونی د. مستەفا کرد سەبارەت بە ڕۆڵ و پێگەی ژنانی گورد و گوتی: زەڵمی کاریگەرییەکی بەرچاوی هەبوو لەسەر گۆڕینی تێگەیشتنی هەڵە سەبارەت بە کێشەکانی ژنان و یاسایەکی هێنایە ئاراوە کە دادپەروەر و یەکسان بوو هەموو لایەک.

 

هەر لەگەڵ ئەوەدا نێچیرڤان بارزانی گوتی، زەڵمی ڕۆڵێکی گەورەی هەبوو لەسەر یاسای باری کەسیی و گۆڕینی تێگەشتنە هەڵەکان سەبارەت بە خەتەنەکردنی ژنان و تەڵاق و فرەژنی لە کوردستان. 

 

قوڵتر: نێچیرڤان بارزانی باسی لەوەشکرد؛ د. مستەفا زەڵمی ڕۆلێکی گەورەی هەبوو لە یاسای باری کەسێتی و بەشێوەیەکی کاریگەر بەشداریکرد لە گۆڕینی تێگەشتنە هەڵەکان سەبارەت بە خەتەنەکردن و تەلاق و کوشتنی ژنان و فرەژنی لە هەرێمی کوردستان.

 

باکگراوند: پرۆفیسۆر د. مستەفا زەڵمی لە بەرەبەیانیی ڕۆژی 4-6-2016 لە تەمەنی 92 ساڵیدا لە هەولێر كۆچی دوایی كرد، لە ئارامگای تایبەت بە خۆی لە ناو سەنتەری ڕووناكبیـریی پرۆفیسیۆر مستەفا زەڵمـی لە قەزای خورماڵ بەخاکسپێردرا.