زەڕەبین؛ چیرۆکی قومارخانەکانی شاری سلێمانی دەگێڕێتەوە

ئاڤا نیوز

 

بەرنامەی ئەمجارەی زەڕەبین بەدواداچوون بۆ قومارخانەکانی شاری سلێمانی دەکات و پەردە لەسەر جۆری بازرگانییەکە هەڵدەداتەوە.

 

چیرۆکی سەرەکی: قومارخانەکانی ئیدارەی گشتیی یەکێتیی نیشتمانیی کوردستان بە ئاشکرا و بێ پەردە کار دەکەن، بەشێوەیەک کە ئێستا شاری سلێمانی بووەتە یەکەم شار لە عێراق  و هەرێمی کوردستان بەشێوەی فەرمی قومارخانەی تێدابێت، بازرگانییەکە بەشێوەیەکە  بەشێکی داهاتەکەی بۆ ئیدارەی گشتیی یەکێتییە و بەشەکەی دیکەی بۆ خاوەنی قومارخانەکە دەبێت.

 

کاریگەری لێکەوتەکان: بەهۆی بوونی ژمارەیەکی زۆری قومارخانە، قومارچییەکان لە دەرەوەی هەرێم و عێراقیشەوە دێنە شارەکە؛ جیا لەوە ئەم قومارخانانە بوونەتە هۆی هەڵوەشاندنەوەی ژمارەیەک خێزان و ئیفلاسبوونی ژمارەیەکی زۆر خەڵک.

 

ئەوەی پێویستە بزانیت: بەگوێرەی بەدواداچوونەکان داهاتی یەک مانگی ئیدارەی گشتیی یەکێتیی لە قومارخانەکان یەک ملیۆن دۆلارە.

وێنە گەورەکە: بەرنامەی زەڕەبین بە دواداچوون دەکات بۆ کێشە و گرفتەکانی هاونیشتمانیان، بازرگانان، قاچاخچێتی، تەندروستی، دۆسیەی ماددەی هۆشبەرەکان، زەوی و زار هتد...، ئامانج لەم بەرنامەیە خستنەڕووی هەموو وردەکارییەکانە، بۆ هۆشیارکردنەوەی هاونیشتمانیان و خستنەڕووی ڕاستیەکانە، تا گەیشتن بە چارەسەر.

 

ئەمەش بزانە: ئەم بەرنامەیە لەلایەن پێشکەشکار کاروان عەبدولڕەحمان پێشکەش دەکرێت.