گرووپە چەکدارەکانی سووریا بە دەیان هاووڵاتیی کورد دەکوژن

ئاڤا نیوز 

 

گرووپە چەکدارەکانی ئۆپۆزسیۆنی سووریا ڕێگری لە دەرچوونی کوردان لە شاری حەلەب دەکەن و دەیانیان لێدەکوژن.

 

زانیاریی بەدەستهاتوو: بەپێی ئەو سەرچاوانەی دەست ئاژانسەکانی هەواڵ کەتوون، ژمارەیەک هاووڵاتیی کورد لە کاتی هەوڵدان بۆ جێهێشتنی تەل ڕەفعەت و شەهبا کوژراون و هەر بەگوتەی ئەو سەرچاوانە گرووپە چەکدارەکان ڕێگرییان لە زیاتر لە 150 هەزار کورد کردووە لەو دوو ناوچەیە بچنە دەرەوە.

 

لەلایەکی دیکە: دوو سەرچاوە بە ئاژانسی هەواڵیی ڕۆیتەرزیان ڕاگەیاند، هێزەکانی یەکینەکانی پاراستنی گەل دەستیان کردووە بە کشانەوە لە بەشەکانی باکووری ڕۆژهەڵاتی شاری حەلەب بەپێی رێککەوتنێک لەگەڵ گرووپە چەکدارەکان.

 

زانیاریی زیاتر: سەرچاوەکان دەڵێن ڕێککەوتنی کشانەوە لە شێخ مەقسوود و بوستان باشا و ناوچەکانی دیکەی شارەکە ڕێگە بە هاووڵاتیانی مەدەنی دەدات بچنە ناوچەکانی باکووری ڕۆژهەڵاتی سووریا کە لەژێر کۆنترۆڵی هێزە کوردیەکاندان.

 

ئەوەی پێویستە بیزانیت: ئەم پەرەسەندنە چەند کاتژمێرێک پاش ئەوە هات کە مەزڵووم عەبدی، فەرماندەی هێزەکانی سووریای دیموکرات لە هەژماری X ـی خۆی ڕایگەیاند "ڕووداوەکان لە باکووری ڕۆژئاوای سووریا بە خێرایی و لەناکاو پەرەیان سەندووە، چونکە هێزەکانیان لە چەند لایەکەوە ڕووبەڕووی هێرشی تووند بوونەتەوە".