خەمیس خەنجەر بە کەفالەت ئازاد دەکرێت

ئاڤا نیوز

 

بڕیار بوو ئەمڕۆ سەرۆکی هاوپەیمانیی سیادە لە پەرلەمانی عێراق بە تۆمەتی پاساو هێنانەوە بۆ تاوانەکانی داعش و ناو نەهێنانی وەک گرووپێکی تیرۆریستی لە دادگا ئامادە بێت، دادگا دانیشتنەکەی بەست و دواتر بڕیاریدا بە کەفالەت تۆمەتبار ئازاد بکرێت.

 

زانیاریی بەدەستهاتوو: بەپێی میدیا عێراقییەکان خەمیس خەنجەر، سەرۆکی هاوپەیمانیی سیادە بەپێی ماددەی 226 لە یاسای سزای عێراقی بە کەفالەت لە دادگا دەرچوو.

 

ئەوەی پێویستە بیزانیت: پێشتر سەرۆکایەتیی دادگای تێهەڵچوونەوەی کەرخ داوای لە خەمیس خەنجەر کردبوو دەبێت لە ماوەی سێ ڕۆژدا ئامادەی دادگا بێت.

 

زانیاریی زیاتر: لە مانگی تشرینی یەکەمی ئەمساڵ خەمیس خەنجەر، ئەمینداری گشتیی پارتی سیادە، دەستی لە ئەمیندارێتی حیزبەکەی کێشایەوە، بەهۆی بانگهێشتکردنی لەلایەن دەستەی لێپرسینەوە و دادپەروەرییەوە بە تۆمەتی پاساو هێنانەوە بۆ داعش تۆمەتی دراوە پاڵ.