مەسرور بارزانی و باڵیۆزی بەلجیکا: پێویستە کابینەی نوێی حکومەت بەخێرایی پێلبهێنرێت

ئاڤا نیوز

 

سەرۆکوەزیران مەسرور بارزانی باڵیۆزی بەلجیکا لە عێراق و ئوردن هاوڕان لەسەر پێکهێنانی کابینەی نوێی حکومەت لە ئايیندەیەکی نزیکدا  و یەکەم دانیشتنی پەرلەمانیش بە هەنگاوێکی ئەرێنی هەڵدەسەنگێنن.

 

وێنە گەورەکە: ڕۆژی سێشەممە 03-12-2024 سەرۆکوەزیران مەسرور بارزانی، پێشوازی لە سێرج دیکشن، باڵیۆزی بەلجیکا لە عێراق و ئوردن کرد و دەستپێکردنەوەی هەناردەکردنی نەوتی هەرێمی کوردستان و چەند پرسێکی دیکە تاوتوی کران.

 

ڕاگەیێنراوی فەرمی: باڵیۆزی بەلجیکا پیرۆزبایی هەڵبژاردنی خولی شەشەمی پەرلەمانی کوردستانی کرد و هەردوولا هاوڕا بوون لەسەر پێکهێنانی کابینەی نوێی حکومەت لە ئايیندەیەکی نزیکدا، لەمبارەیەوە دانیشتنی یەکەمی پەرلەمانی کوردستان بە هەنگاوێکی ئەرێنی هەڵسەنگێنرا.

 

لەلایەکی دیکەوە: لە بەشێکی دیکەی دیدارەکەدا، گفتوگۆ لەبارەی گرنگی دابینکردنی مافه‌ دەستووری و شایستە داراییەکان، دەستپێکردنەوەی هەناردەکردنی نەوتی هەرێمی کوردستان و دوایین پێشهات، پەرەسەندنەکانی عێراق و ناوچەکە و دۆخی ئاڵۆزی سووریا کرا.