ئەمریكا بڕیارێک لە بەرژەوەندی عێراق دەردەکات

ئاڤا نیوز 

 

وەزارەتی دەرەوەی ئەمریکا ڕایگەیاند، بۆ چوار مانگی دیکی لێخۆشبوونی بۆ عێراق درێژکردووەتەوە بۆ دانەوەی قەرزەکانی ئێران کە لە دابینکردنی کارەبادا هاوکاریی بەغدا بووە.

 

وێنە گەورەکە: بەگوێرەی ڕێگەپێدانەکەی واشنتن، ئەو پارەیەی ئێران لە فرۆشتنی وزە بە عێراق دەستی دەکەوێت ڕێگەی پێنادرێت ڕاستەوخۆ بیباتەوە بۆ وڵاتەکەی، بەڵکو لە هەژمارێکدا پارێزراوە و دەتوانرێت تەنیا لە کڕینی ماددەی خۆراکی، دەرمان، ئامێری پزیشکی و کشتوکاڵی بەکاربهێنرێت، جگە لەو پێداویستییانەی کە سزاکانی ئەمریکا نایانگرێتەوە.

 

لێدوانی فەرمی: فیدانت باتێل، جێگری گوتەبێژی وەزارەتی دەرەوەی ئەمریکا بە ڕۆژنامەنووسانی ڕاگەیاند: واشنتن لە حەوتی تشرینی دووەمی ئەمساڵەوە، بۆ ماوەی 120 ڕۆژی دیکە ڕێگەی بە عێراق داوە پارەی هاوردەکردنی وزە بۆ بەرهەمهێنانی کارەبا بە ئێران بدات.

 

ئەوەی پێویستە بیزانیت: لە ساڵی 2018ـەوە ئەمریکا مۆڵەتی بەعێراق داوە کارەبا لە ئێران بکڕێت.