عەباس عێراقچی سەردانی عێراق دەکات

ئاڤا نیوز

 

وەزیری دەرەوەی ئێران سەردانی عێراق دەکات و لەگەڵ بەرپرسانی باڵای وڵاتەکە تاوتوێی دۆخی ناوچەکە بەگشتی و سووریا بەتایبەت. 

 

وێنە گەورەکە: شەڕی قورسی گرووپە چەکدارەکانی ئۆپۆزسیۆنی سووریا و دەستەی تەحریر شام و حکومەتی بەشار ئەسەد کە لە حەلەبەوە دەستیپێکرد، بەردەوامە و تاوەکو ئێستا سەدان کەس کوژراون کە زۆربەیان چەكدارانی گرووپە ئۆپۆزیسیۆنەكانن.

 

زانیاریی بەدەستهاتوو: میدیاکانی ئێران بڵاویان کردووەتەوە کە ڕۆژی هەینیی داهاتوو  06-12-2024، عەباس عێراقچی، وەزیری دەرەوەی ئێران بۆ بینینی بەرپرسانی باڵای عێراق سەردانی بەغدا دەکات بەمەبەستی تاوتوێکردنی پێشهاتەکانی سووریا.

 

بۆچی گرنگە: سەردانەکەی عێراقچی دوای سەردانیکردنی دیمەشق و ئەنقەرە دێت لەپێناو دۆزینەوەی چارەسەری گونجاو بۆ ئاڵۆزییەکانی سووریا و ڕاگرتنی شەڕ. 

 

ئەوەی پێویستە بیزانیت: ڕۆژی سێشەممەی ڕابردوو، لایەنەکانی هاوپەیمانی ئیدارەی دەوڵەت بە ئامادەبوونی سوودانی لە بەغدا کۆبوونەوە و دەستپێشخەرییەکی عێراقییان ڕاگەیاند بۆ بانگهێشتکردنی وڵاتانی دراوسێ و وڵاتانی پەیوەندیدار بە قەیرانی سووریا بۆ کۆبوونەوەیەکی خێرا لە بەغدا.