لە هەولێر بەهۆی فرۆشتنی دەرمانی هۆشبەر دەرمانخانەیەک دادەخرێت

ئاڤا نیوز

 

لە شاری هەولێر بەهۆی فرۆشتنی دەرمانی هۆشبەر دەرمانخانەیەک دادەخرێت و دوو تۆمەتبار بەوهۆیەوە دەستگیردەکرێن.

 

چیرۆکی سەرەکی:  تۆمەتباران هەڵساون بە بازرگانیکردن بەدەرمانی هۆشبەر و کارتێکەرە هۆشیەکان بەبێ پسولەی پزیشک و دوور لە ڕێنمایە پزیشکیەکان، هاوکات دەرمانخانەکە دەرمانەکەی فرۆشتووە بە کەسانی ئالوودەبووی ماددەی هۆشبەر.

ڕاگەیێنراوی فەرمیی: بەڕێوەبەرایەتی ئاسایشی هەولێر ڕایگەیاند: "لە کاتی پشکنین بۆ دەرمانخانەیەک دەرکەوت ژمارەیەکی زۆر دەرمانی قاچاخ و ڕێگەپێنەدراوی تەندروستی لە دەرمانخانەکە هەیە و دەستی بەسەردا گیرا، پاشان ڕێوشوێنی یاساییان لە دژ دەگیرێتەبەر".

زانیاریی زیاتر: "بەفەرمانی دادوەری لێکۆڵینەوەی ئاسایشی هەولێر دەرمانخانەکە داخرا و دوو تۆمەتبار بەناوەکانی (أ ، م ، ب ) و (أ ، ع ، أ) دەستگیر کران"، بەڕێوەبەرایەتی ئاسایشی هەولێر وا دەڵێت.