دەزگای خێرخوازیی بارزانی هاوکاریی مرۆیی هاووڵاتیانی ڕۆژئاوای کوردستان دەکات

ئاڤا نیوز 

 

لەگەڵ دەستپێکی ئاڵۆزییەکان لە سووریا و ڕۆژئاوای کوردستان، سەدان خێزان ئاوارە بوون و ناچاربوون ماڵ و ژیانی خۆیان بەجێ بهێڵن و لە ناوچە تاڕادەیەک ئارامەکاندا نیشتەجێ بن، دەزگای خێرخوازیی بارزانی ئامادەسازی بۆ زیادکردنی هاوکاری بۆ ئاوارەکانی ئەو ناوچە دەکەن.

 

وێنە گەورەکە: تیمی دەزگای خێرخوازیی بارزانی لە عەفرین ڕۆژانە هاوکاریی مرۆیی دەگەیێنێتەوە ئاوارەکان و بەهۆی درێژبوونەوەی ئاڵۆزییەکان لە سووریا و ڕۆژئاوای کوردستان، دەزگاکە ئامادەسازی بۆ زیادکردنی تیم و هاوکاری دەکات لە سنوورەکانی عەفرین، حەلەب و شەهبا.

 

لێدوانی فەرمی: ئیبراهیم سەمین، جێگری سەرۆکی دەزگای خێرخوازیی بارزانی بە ئاڤا نیوزی ڕاگەیاند "دەزگای خێرخوازیی بارزانی هەوڵەكانی چڕ دەکاتەوە بەمەبەستی دابینکردنی هاوکاریی مرۆیی و پێداویستییەکان بۆ سووریا  و ڕۆژئاوای کوردستان، ئەگەر پێویست بکات تیمی زیاتر لە هەرێمی کوردستانەوە ڕەوانە دەکەین".

 

ئەوەی پێویستە بیزانیت: هاوکارییەکان پێکهاتوون لە سەدان تۆن  پێداویستیی تەندروستی، خۆراک، کەلوپەلی ناوماڵ بە بارهەڵگرەکاندا ڕەوانە دەکرێن.