جەدعان عەلی: شەڕی ئێستای سووریا لە بەرژەوەندیی تورکیایە

ئاڤا نیوز

 

گرژی و ئاڵۆزییەکانی نێوان گرووپە چەکدارەکانی سووریا و ڕژێم لەو وڵاتە بەردەوامە.

 

لێدوانی فەرمی: جەدعان عەلی، سەرۆکی نوێنەرایەتیی ئەنەکەسە لە کوردستان لە گەشتی هەواڵەکانی ئاڤا میدیا ڕایگەیاند: ئەم پلانەی گرووپە چەکدارەکانی سەر بە ئۆپۆزیسیۆن لەم کاتە هەستیارەدا بە هاوکاری و پشتیوانی وڵاتە دەرەکییەکانە و بە پلەی یەکەم لە بەرژەوەندی تورکیایە.

 

جەدعان عەلی ئەوەشی گوت، کەمبوونەوەی  هاوکارییەکانی  ڕووسیا بۆ بەشار ئەسەد بەشێوەیەکی بەرچاو هۆکاری سەرەکییە بۆ  لاوازبوونی سوپای سووریا. 

 

باکگراوند: نزیکەی هەفتەیەکە شەڕی دەستەی تەحریروشام و سوپای سووریا لە حەلەب و ئیدلب بەردەوامە و ئەمڕۆش گرووپە چەکدارەکانی ئۆپۆزیسیۆن گەیشتنە ناو پارێزگای حەمما، تا ئێستا 706 کەس کوژراون و 110 کوژراویش هاووڵاتیی سڤیلن.