پەرلەمانتارانی کورد بایکۆتی کۆبوونەوەکەی ئەمڕۆی پەرلەمانیان کرد

ئاڤا نیوز

 

 

پەرلەمانی عێراق بڕگەی تایبەتی بە هەمواری یەکەمی یاسای بودجەی لە کارنامەکەی لابرد، پاش لابردنی ئەو بڕگەیە پەرلەمانتارانی کورد کۆبونەوەی پەرلەمانیان جێهێشت و بەو هۆیەوە کۆبونەوە ئەنجام نەدرا.

 

وێنە گەورەکە: بە مەبەستی دەستپێکردنەوەی هەناردەی نەوتی کوردستان، تاوەکو ئێستا پەرلەمان تەنیا خوێندنەوەی یەکەمی بۆ هەمواری یاسای بودجە کردووە، بڕیاربوو لە دانیشتنی ڕۆژی چوارشەم خوێندنەوەی دووەمی بۆ بکرێت. 

 

لێدوانی فەرمی: موعین کازمی، ئەندامی لیژنەی دارایی بە ئاڤا میدیای ڕاگەیاند: هەموارەکە پێویستی بە ئامادەبوونی وەزیری دارایی عێراق هەیە، بەڵام لەم کاتە هەستیارەدا وەزیری دارایی گەشتی سەڵتەنەی عومانی کردووە، بۆیە بڕگە یاساکە لە دانیشتنی ئەمڕۆ لابرا.

 

زانیاریی زیاتر: هەموارەکە بۆ دەرهێنانی هەر بەرمیلێک نەوت 16 دۆلار تەرخان دەکات کەپێشتر 6 دۆلاربوو.