دۆخی كارەبا لە بەغدا و شارەكانی ناوەڕاست و خوارووی عێراق خراپە

ئاڤا نیوز

 

دۆخی كارەبا لە زۆرێك لە گەڕەكەكانی بەغدا و شارەكانی ناوەڕاست و خوارووی عێراق خراپە، بە قسەی دانیشتووانی ئەو شارانە، هەندێك كات چەندین كاتژمێر كارەبای نیشتمانی دەبڕدرێت و موەلیدەی گەڕەكەكانیش ئامادەنین كارەبا بدەن.

 

وێنە گەورەكە: قەیرانی نەبوونی كارەبا یەكێكە لە كێشە گەورەكان كە لە دوای پرۆسەی ئازادكردنی عێراقەوە بەرۆكی عێراقییەكانی گرتووە و تائێستاش چارەسەر نەكراوە. 

 

ڕاگەیێنراوی فەرمی: بەگوێرەی میدیا عێراقییەكان، هاووڵاتیان گازاندە لە دۆخی خراپی كارەبا دەكەن كە دوای تێپەڕبوونی 20 ساڵ چارەسەر نەكراوە، هاوكات ئەنجوومەنی پارێزگا و بەرپرسانی خۆجێیی شارەكە بەوە تۆمەتبار دەكەن كە بەرژەوەندییان لەگەڵ خاوەن موەلیدە ئەهلیەكان هەیە، كە سەرەڕای كەمتەرخەمییان لە كەمكردنەوەی پێدانی كاتژمێرەكانی پێدانی كارەبا، لێپرسینەوەیان لەگەڵ ناكرێ.

 

چی پێویستە بكرێت: حكومەتی عێراق نیازی هەیە بۆ چارەسەركردنی كێشەی كارەبای بەغدا و شارەكانی دیكەی ناوەڕاست و باشووری عێراق، پڕۆژەیەكی ستراتیژی جێبەجێ بكات كە توانای گواستنەوەی وزەی 150%ـیە، ئەوەش بە بەكارهێنانی تەكنەلۆژیای گەیێنەری گەرمی و چاككردنەوەی گەیێنەرە كۆنەكان. 

زانیاریی زیاتر: وەزارەتی کارەبا تەواوبوونی پڕۆژەی نۆژەنكردنەوەی دوو هێڵی سەرەكی بۆ گواستنەوەی وزەی كارەبا ڕاگەیاند، كە هێڵەكانی قادسیە-دیوانیە بە ڤۆڵتیەی "132 كەی ڤی" كە درێژییەكەی 6.4 كیلۆمەترە، هەروەها هێڵی گواستنەوەی قادسیە-شامییە بە ڤۆڵتیەی "132 كەی ڤی" كە درێژییەكەی 16.6 كیلۆمەترە.

 

لەلایەكی دیكەوە: لە پارێزگای ئەنبار دەستكراوە بە دانانی تۆربینەكانی سێیەم و چوارەم لە وێستگەی كارەبا كە توانای بەرهەمهێنانی هەزار و 642 مێگاوات كارەبای هەیە، پڕۆژەكەش لە ساڵی 2013ـەوە وەستابوو.