مەزڵوم عەبدی: پەیوەندییەکانمان لەگەڵ تەحریر شام ئاساییە و گفتوگۆ لەنێوانمان هەیە

ئاڤا نیوز

 

فەرماندەی هێزەکانی سووریای دیموکرات "هەسەدە" ئاشکرایکرد، پەیوەندییەکانیان لەگەڵ هێزەکانی تەحریر شام ئاساییە و گفتوگۆ لەنێوانیان هەیە.

 

وێنە گەورەكە: ماوەی چەند ڕۆژێكە شەڕ و پێكدادان ناوچەكانی باكووری سووریای گرتووەتەوە، لەلایەکی دیکە هێزەكانی ئۆپۆزسیۆنی سووریا ڕایانگەیاند، تەواوی شاریی حەممایان کۆنترۆڵکردووە و لە پێشڕەویدان بەرەو شاری حومس و چەند ناوچەیەکیان کۆنتڕۆڵ کردووە.

 

لێدوانی فەرمی: مەزڵوم عەبدی، فەرماندەی هێزەکانی سووریای دیموکرات ڕایگەیاند، "تائێستا پەیوەندییان لەگەڵ هێزە چەکدارەکانی تەحریر شام ئاسایییە و گفتوگۆکانی نێوان هەردوولایان بەردەوامە و تائێستا ڕووبەڕووی یەکتر نەبوونەتەوە.

 

قووڵتر: فەرماندەی هێزەکانی سوریای دیموکرات دووپاتی کردەوە لەگەڵ هێزەکانی ئەمریکا و هاوپەیمانان لە پەیوەندی و هەماهەنگیدان و چەند ناوچەیەکیان دوای کشانەوەی هێزەکانی ڕژێمی ئەسەد کۆنتڕۆڵ کردووە.