سەرۆکوەزیران بارزانی و وەزیری دەرەوەی ئەمریکا کۆدەبنەوە

ئاڤا نیوز

سەرۆکوەزیران بارزانی لە میانی سەردانەکەیدا بۆ واشنتن لەگەڵ وەزیری دەرەوەی ئەمریکا کۆدەبێتەوە و چەند بابەتێکی گرنگ تاوتوێ دەکەن.

 

زانیارییە بەدەستهاتووەکان: کاتژمێر 07:00ـی ئێوارەی ئەمڕۆ دووشەممە به‌ كاتی هه‌ولێر، مەسرور بارزانی، سەرۆکوەزیرانی هەرێمی کوردستان و  ئەنتۆنی بلینکن، وەزیری دەرەوەی ئەمەریکا كۆده‌بنه‌وه‌.

 

زانیاریی زیاتر: لە کۆبوونەوەکەدا گفتوگۆ لەبارەی پەرەپێدانی زیاتری پەیوەندییەکانی هەرێمی کوردستان و ئەمەریکا، دوایین گۆڕانکاری و پەرەسەندنەکانی دۆخی گشتیی عێراق و ناوچەکە و، هاوکارییەکانی ئەمریکا بۆ چاکسازی و یەکخستنەوەی هێزی پێشمەرگە دەکەن. 

 

ئەوەی پێویستە بیزانیت: سەرۆکوەزیران بارزانی بە سەرۆکایەتی شاندێکی حکومی لە ئەمریکایە و، بڕیارە چەندین دیداریان لەگەڵ بەرپرسانی باڵای ئەمەریکا لە کۆشکی سپـی و وەزارەتی دەرەوە و کۆنگرێس هەبێت.