سەرۆکوەزیران بارزانی بە سەردانێکی فەرمی گەیشتە ئەمریکا

ئاڤا نیوز

سەرۆکوەزیران بارزانی بە سەرۆکایەتیی شاندێکی حکومی و بە بانگهێشتێکی فەرمی گەیشتە واشنتنی پایتەختی ویلایەتە یەکگرتووەکانی ئەمەریکا. 

ڕاگەیێنراوی فەرمی: مەسرور بارزانی، سەرۆکوەزیرانی هەرێمی کوردستان و شاندی یاوەری چەندین دیداریان لەگەڵ بەرپرسانی باڵای ئەمەریکا لە کۆشکی سپی و وەزارەتی دەرەوە و کۆنگرێس دەبێت.

تەوەری سەرەکی کۆبوونەوەکان پەرەپێدانی زیاتری پەیوەندییەکانی هەرێمی کوردستان و ئەمەریکا و، دوایین گۆڕانکاری و پەرەسەندنەکانی دۆخی گشتی عێراق و ناوچەکە دەبێت. 

زانیاری زیاتر: شاندی یاوەری سەرۆکوەزیران لە شۆڕش ئیسماعیل، وەزیری پێشمەرگە و سەفین دزەیی، بەرپرسی فەرمانگەی پەیوەندییەکانی دەرەوە و چەند بەرپرسێکی دیکە پێکهاتووە.