چوارچێوەى هەماهەنگى هۆشداریی لە ئازادکردنی "لیستى ڕەش" لە بەندیخانەکانی سووریا دەدات

ئاڤا نیوز

 

چوارچێوەی هەماهەنگی هۆشداریی دەدات لە ئازادکردنی ئەو کەسانەی کە لە "لیستی ڕەش"ـن و ئێستا لە بەندیخانەکانی سووریا ڕاگیراون.

 

وێنە گەورەکە: هێزەکانی تەحریر شام لە دەروازی شاری حومس لە ڕۆژئاوای سووریا نزیکبوونەتەوە و پێشبینی دەکەن لە چەند کاتژمێری داهاتوودا شارەکە بکەوێتە دەستیان، بە کۆنترۆڵکردنی ئەو شارە سوپای سووریا و هێزەکانی هاوپەیمانی لە دیمەشق، تەرتووس و لازقییە لە تەواوی ئەو وڵاتە دادەبڕن.

 

لێدوانی فەرمی: عیسام شاکیر، یەکێک لە سەرکردەکانی چوارچێوەی هەماهەنگی ڕایگەیاند: "دەیان هاووڵاتی عێراقی بەتۆمەتی تیرۆر لە چەند بەندیخانەیەکی سووریادان و لەلایەن بەغداوە داواکراون، بەڵام بەشێکیان لە ڕووداوەکانی ئەم دواییەدا ئازادکراون ".

 

زانیاریی زیاتر: شاکیر ئاماژەی بەوەشکرد، "ئەو زیندانیانە لەلایەن عێراقەوە  خراونەتە نێو لیستی ڕەشەوە بەهۆی بەشداریکردنی ڕاستەوخۆ و پشگیریکردنیان لە تیرۆر، بە ئازادکردنیان لە هەر حاڵەتێکدا دەبنە سەرچاوەی مەترسی بۆ ناوچەکە".