سەرۆک بارزانی و خەمیس خەنجەر پەیوەندییەکانی نێوان هەولێر و بەغدا تاوتوێ دەکەن

ئاڤا نیوز

 

ڕۆژی شەممە 7ـی کانوونی یەکەمی 2024، لە سەڵاحەددین سەرۆک بارزانی پێشوازی لە خەمیس خەنجەر، کەسایەتیی دیاری سیاسیی عێراق کرد و هەردوولا تاوتوێی دۆخی سیاسیی عێراق و ناوچەکە و کێشەکانی نێوان هەولێر و بەغدایان کرد.

 

وێنە گەورەکە: لە دوای ساڵی 2014ـەوە کۆمەڵێک کێشە بە هەڵپەسێردراوی لەنێوان حکومەتی هەرێمی کوردستان و حکومەتی عێراق ماونەتەوە و تا ئێستا چارەسەر نەکراون، ئەمڕۆ سەرۆک بارزانی لە سەڵاحەدین لەگەڵ خەمیس خەنجەر تیشکیان خستە سەر ئەو کێشانە و گفتوگۆیان بۆ چارەسەرکردنیان کرد.

 

ڕاگەیێنراوی فەرمی: بارەگای بارزانی ڕایگەیاند: لە دیداری نێوانیاندا سەرۆک بارزانی  و خەمیس خەنجەر باسیان لە بارودۆخی سیاسیی عێراق و پەیوەندییەکانی نێوان حکومەتی هەرێمی کوردستان و حکومەتی فیدراڵ و دوا پەرەسەندن و گۆڕانکارییەکانی ناوچەکە بە گشتی کرد.

 

بۆچی گرنکە: گفتوگۆکان بەمەبەستی چەندین کێشە بوون وەک؛ چارەسەرکردنی کێشەکانی مووچە، بودجە، کارکردن بۆ پەسەندکردنی پڕۆژەیاسای گەڕانەوەی زەویی جووتیارانی کورد لە ناوچەکانی دەرەوەی ئیدارەی هەرێمی کوردستان و کێشەکانی نێوان هەولێر و بەغدا.