دوای 12 ساڵ چارەنووسی ڕۆژنامەنووسێکی ئەمریکی لە سووریا ئاشکرا دەبێت

ئاڤا نیوز

چیرۆکی زیندانییەکی دیکە کە هەمووان وایان زانیوە مردووە، ڕۆژنامەنووسێکی ئەمریکییە، 12 ساڵ لە زیندانەکانی سووریادا بووە، ئێستا دایکی دەڵێت کوڕەکەی سەلامەتە، بەڵام لەبەر پاراستنی گیانی ئاشکرای ناکات لە کوێیە، بە گفتوگۆش ئازاد دەکرێت نەوەک بە شەڕی و بۆمب.

چیرۆکی سەرەکی: ئۆستن تایس، ڕۆژنامەنووسێکی ئازاد بووە و بۆ ڕووماڵی شەڕی ناوخۆی سووریا ساڵی 2012 چووەتە ئەو وڵاتە، کاری بۆ چەندین دەزگای میدیایی جیهانی وەکو واشنتن پۆست و فرانس پرێس کردووە،  لە یەکێک لە گەڕەکەکانی دیمەشق ڕفێنراوە و دیارنەماوە، دواتر ڤیدیۆیەکی بە چاوبەستراوی بڵاوبووەوە. ساڵی 2022 یش جۆ بایدن، سەرۆکی ئەمریکا گوتی: "باش دەزانین ڕژێمی ئەسەد ڕفاندوویانە، داوا دەکەین ئازادی بکەن".

ئەمەش بزانە: جگە لەم چیرۆکە زۆر چیرۆکی دیکەی هاوشێوە هەن، زیندانییەکی زۆری عێراقیش لە زیندانەکانی سووریا ئازادکراون، ڕۆژنامەنووسێکی عەرەب ناوی هەندێک زیندانی لە سووریاوە بەدەستگەیشتووە کە ئازاد کراون و لە ڤیدیۆیەکدا ناویان دەخوێنێتەوە، یەکێکیان کورد بوو بە ناوی خدر سەعد گەردی.