حەیدەر عەبادی: خۆشحاڵم بە کۆتاییهاتنی حیزبی بەعس لە سووریا و عێراق

ئاڤا نیوز

 

سەرۆکی هاوپەیمانی نەسر خۆشحاڵی خۆی بە کۆتاییهاتنی حیزبی بەعس لە سووریا و عێراق ڕادەگەیێنێت و هیوای ئەوە دەخوازێت بە ئاشتییانە لەگەڵ سووریا بژین.

 

وێنە گەورەكە: ڕۆژی یەکشەممە 08-12-2024، هێزەكانی ئۆپۆزیسیۆنی سووریا گەیشتنە دیمەشقی پایتەختی ئەو وڵاتە و كەوتنی دەسەڵاتی بەشار ئەسەدیان ڕاگەیاند. 

 

لێدوانی ڕۆژنامەوانی: حەیدەر عەبادی، سەرۆکی هاوپەیمانی نەسر لە لێدوانێکی ڕۆژنامەوانیدا لەبارەی دۆخی سووریا ڕایگەیاند، دەمانەوێت لەگەڵ سووریا بە ئاشتی بژین و خۆشحاڵم کە شاهیدی کۆتاییهاتنی حیزبی بەعسین لە سووریا و عێراق.

 

کاریگەریی و لێکەوتەکان: بە گوتەی عەبادی عێراقییەکان دڵخۆشن بەوەی سووریا لە شەڕی ناوخۆ ڕزگاری بووە و دەڵێت ئێمە چەندین پەیوەندی جیاوازمان لەگەڵ سووریا هەیە و هیواخوازین پەیوەندییەکانمان باشترببن لەگەڵ سووریا.

 

بە تەنیشت ئەم بابەتەوە: سەرۆکی هاوپەیمانی نەسر دڵنیایی ئەوە دەدات، ئەوەی لە ساڵی 2014 ڕوویدا لە عێراق دووبارە نابێتەوە، ئاماژە بۆ ئەوەش دەکات دوای ڕزگارکردنی عێراق هیچ شوێنێک بۆ تیرۆریستان نەماوەتەوە.