سوپای ئیسرائیل جەبەل شێخ لە سووریا کۆنترۆڵ دەکات

ئاڤا نیوز

 

سوپای ئیسرائیل پێشڕەوی کردووە بۆ ناو خاکی سووریا و جەبەل شێخ و چەند ناوچەیەکی دیکەی کۆنترۆڵکردووە بەهۆی نەمانی سوپای سووریا لەو ناوچانە. هاوکات دەڵێت؛ بۆ پاراستنی ئاسایشی ئیسرائیل ئەو کارەمان کردووە.

 

لێدوانی فەرمی: سوپای ئیسرائیل لە ڕاگەیێندراوێکدا ڕایگەیاند: تەلئەڤیڤ بە هیچ شێوەیەک دەست  لە کاروباری سووریا وەرنادات، بەڵام هۆکاری گرتنی جەبەل شێخ و ناوچەی جۆلانی کێشە لەسەر بۆ ئەوە دەگەڕێنێتەوە، کە سوپای سووریا لەو ناوچانە نەماون، بۆیە پاراستنی ئاسایشی ئیسرائیل گرنگە و ئەو هەنگاوە لەوبارەوە نراوە. 

 

لەلایەکی دیکەوە: ڕۆژی یەکشەممە، سوپای ئیسرائیل، بڵاوەی بە هێزەکانی کرد لە جەبەل شێخ و بەرزاییەکانی جۆلان، کە ناوچەی داماڵدراون لە چەک و لەلایەن نەتەوە یەکگرتووەکانەوە چاودێری دەکرێت. 

 

زانیاریی زیاتر: هێرتسی حالیفی، سەرۆک ئەرکانی سوپای ئیسرائیل ڕایگەیاند، هێزەکانی سوپا دژی تیرۆرستان بەسەر چوار بەشدا دابەشکراون، ئەوانیش بەشی خۆرئاوا و غەززە و لوبنانن ئێستاش هێزەکانمان بڵاوەپێکردووە لە ناو خاکی سووریا.