گەشتکردن لە سەرۆکی کۆریای باشوور قەدەغە کرا

ئاڤا نیوز

 

بەتۆمەتی یاخیبوون، پۆلیس پەڕاوی لێکۆڵینەوەی لەسەر سەرۆکی کۆریای باشوور کردەوە، هاوکات وەزارەتی دادی وڵاتەکە، گەشتکردنی دەرەوەی وڵاتی لە سەرۆکەکایان قەدەغە کرد. 

 

وێنە گەورەکە: یۆن سوک یۆل، سەرۆکی کۆریای باشوور، بڕیاری سەپاندنی یاسای سەربازیدا لە وڵاتەکە و ئەمەش پشێوییەکی زۆری لە ناوخۆی وڵاتەکە دروستکرد. خۆپیشاندانێکی سەرتاسەری وڵاتی گرتەوە و حیزبە ئۆپۆزیسیۆنەکانیش داوای دەست لە کارکێشانەوەی سەرۆکیان دەکرد. بۆیە یۆن سوک یۆل، داوای لێبوردنی کرد، بەڵام وتی دەست لە کار ناکێشمەوە. 

 

ڕاگەیێنراوی فەرمی: ڕۆژی دووشەممە 9-12-2024 وەزارەتی دادی کۆریای باشوور لە بڕیارێکی چاوەڕواننەکراودا گەشتکردنی دەرەوەی وڵاتی لە سەرۆکەکەی قەدەغەکرد. 

 

لەلایەکی دیکەوە: لە کاتی بەڕێوەچوونی دانیشتنی پەرلەمان، یەکێک لە یاسادانەران پرسیاری ئەوەی کردووە کە ئایا یۆن سوک یۆلی سەرۆکی وڵات تۆمەتبارە بە یاخیبوون دوای ئەوەی ئەو یاسایەی سەپاند؟ ئایا بەو هۆیەوە گەشتکردنی لێ قەدەغەکراوە؟ لە وەڵامدا بای سانگ ئاب، ئەندامی کۆمیسیۆنی خزمەتگوزاری کۆچبەران لە وەزارەتی داد دەڵێت بەڵێ ئەوە ڕاستە و سەرۆک یاخیبووە.

 

زانیاریی زیاتر: یۆن سوک یۆل، یەکەم سەرۆکی کۆریای باشوورە کە گەشتکردنی لێ قەدەغە دەکرێت.