ڕێباز حەملان: هەولێر و ئەنقەرە و بەغدا گەیشتوونەتە ئەو خاڵەی دەبێت هەناردەكردنی نەوت دەستپێبكاتەوە

ئاڤا نیوز

 

ڕێباز حەملان، بریكاری وەزارەتی دارایی حكومەتی عێراق نوێترین زانیاری سەبارەت بە پرسی هەناردەكردنەوەی نەوتی هەرێمی كوردستان ڕادەگەیێنێت.

 

لێدوانی فەرمی: ڕێباز حەملان بە ئاڤای ڕاگەیاند: پرسی دەستپێكردنەوەی هەناردەكردنی نەوتی هەرێمی كوردستان ئێستا زۆر بەجددی لە بەغدا باسی لێوە دەكرێت، هەمواركردنەوەی یاساكە چووەتە پەرلەمانی عێراق بۆ ئەوەی بڕە پارەی تێچووی دەرهێنانی نەوت گۆڕانكاری تێدا بكرێت و بكرێت بە 16 دۆلار بۆ كۆمپانیاكانی دەرهێنانی نەوت.

 

بریكاری وەزارەتی دارایی عێراق ڕاشیگەیاند: ئەگەر هەمواری یاساكە تێبپەڕێندرێت بە زووترین كات هەناردەكردنی نەوتی هەرێمی كوردستان دەستپێدەكاتەوە، چونكە هەرسێ لایەنی هەولێر و ئەنقەرە و بەغدا گەیشتوونەتە ئەو خاڵەی كە دەبێت پرۆسەكە دەستپێكاتەوە.

 

باکگراوەند: بە بڕیاری دادگەی ناوبژیوانیی نێودەوڵەتی لە مانگی ئازاری ساڵی 2023 هەناردەکردنی نەوتی هەرێمی کوردستان لە ڕێگەی بەندەری جەیهانی تورکیاوە ڕاگیراوە.