سەرۆكی ئۆكراینا لەبارەی كوژراوانی وڵاتەكەی ڕوونكردنەوە دەدات

ئاڤا نیوز

سەرۆکی ئۆکراینا ژمارەی کوژراوانی سوپای وڵاتەکەی لە شەڕ لەگەڵ ڕووسیا ئاشکرادەکات، ئەو ژمارەیەی ڕووسیاش بۆ ژمارەی کوژراوانی ئۆکراینا بڵاویکردووەتەوە ڕەتدەکاتەوە.

 

بۆچی گرنگە: نزیكەی سێ ساڵە شەڕی ئۆکراینا  دەستیپێکردووە، هەریەک لە ڕووسیا و ئۆکراینا ئاماری جیاواز لەسەر قوربانییانی شەڕەکە بڵاودەکەنەوە.

لێدوانی فەرميی: ڤلۆدیمیر زێلێنسکی، سەرۆکی ئۆکراینا، ڕایگەیاند: 31 هەزار سەربازی ئۆکراینی لەم شەڕەدا گیانیان لەدەستداوە. نەک 300 هەزار، یان 150 هەزار، یان هەرچییەک کە پووتین و نزیکەکانی دەیڵێن. بەڵام هەر یەک لەم لەدەستدانانە بۆ ئێمە لەدەستدانێکی گەورەیە.

زانیاريی زیاتر: سەرۆکی ئۆکراینا ئامادەنەبوو   ژمارەی بریندارەکانی سوپای وڵاتەکەی ئاشکرا بکات، چونکە پێی وابوو دەبێتە هۆی یارمەتیدانی پلانە سەربازییەکانی ڕووسیا.

باکگراوند: مانگی ئابی ڕابردوو بەرپرسانی ئەمریکا مەزەندەیان کردبوو لە شەڕی ڕووسیا و ئۆکراینادا، 70 هەزار سەربازی ئۆکراینی کوژرا بن و 120 هەزاریش بریندار بووبن. شەڕەکە پێی ناوەتە ساڵی سێیەم و بەردەوامە.