بانکی ناوەندیی عێراق تۆمارێکی دەنگی تایبەت بە عەللاق ڕەتدەکاتەوە

ئاڤا نیوز

 

دوای ئەوەی لە تۆڕە کۆمەڵایەتییەکان تۆمارێکی دەنگی عەلی عەللاق بڵاوبووە کە هۆشداری لەمەترسی بەقاچاخبردنی 250 ملیۆن دۆلاری ڕۆژانە دەدات، بانکی ناوەندی عێراق ئەم هەواڵە ڕەتدەکاتەوە.

 

چیرۆكی سه‌ره‌كی: عەلی عەللاق، پارێزگاری بانکی ناوەندی لەتۆمارە دەنگییەکەدا دەڵێت : ئێستا ڕۆژانە گەورەترین ئۆپەراسیۆنی قاچاخچێتی لە عێراقدا بەڕێوەدەچێت و تەنیا لەڕێگەی حەواڵەکردنی دراوەوە 250 ملیۆن دۆلار بەقاچاخ دەبرێتە دەرەوەی وڵات.

 

ڕاگه‌یێنراوی فه‌رمی: سەرچاوەیەکی فەرمی لە بانکی ناوەندی عێراق ڕایگەیاند: ئەو تۆمارە دەنگییەی لەتۆڕە کۆمەڵایەتیەکان بڵاوبووەتەوە بەناوی پارێزگاری بانکی ناوەندییەوە بەتەواوی ڕەتدەکەینەوە.

 

ئەو سەرچاوەیە جەختی لەوەشکردووەتەوە،  ئەوە هەواڵێکی چەواشەکارانە و سیناریۆیەکی ناشیرینە دژ بەو سەرکەوتنانەی بانکی ناوەندی عێراق بەدەستیهێناوە  بۆ کۆنترۆڵکردنی قاچاخچێتی و یاری کردن بە دراوەوە، بەتایبەت دۆلار.