گوێگرتن لە دەنگی باڵندە مەترسی تووشبوون بە نەخۆشییەکانی دڵ و شەکرە کەمدەکاتەوە

ئاڤا نیوز

 

بەگوێرەی توێژینەوەکی زانکۆی ئێسێکسی بەریتانیا دەنگە سرووشتییەکان، لە ناویشیاندا دەنگی باڵندەکان، مەترسییەکانی نەخۆشییەکانی دڵ، شەکرە و دڵەڕاوکێ کەمدەکاتەوە.

 

چیرۆکی سەرەکی: توێژەرانی زانکۆ بەریتانیەکە، لەو باوەڕەدان مانەوە بۆ ماوەی یەک کاتژمێر لە کەشێکی سرووشتیدا کە دەنگی جیاواز و بەرزی باڵندەی لێ بێت، دەبێتە هۆی ئەوەی مرۆڤ هەست بە گەشبینی و ئارامی بکات.

 

لەلایەکی دیکە: بەهۆی گۆڕانە ژینگەییەکان ژمارەی باڵندەکان کەمتر بووەتەوە و بەم هۆیەشەوە سرووشت بێدەنگتر بووە. زانایان هۆشداری دەدەن کە ئەمە دەبێتە هۆی ئەوەی مامەڵەی مرۆڤ لەگەڵ سرووشت کەمتر بێتەوە کە زیان بە سەلامەتیی مرۆڤ دەگەیێنێت.