یاریزانێکی پێشووی تۆپی پێ دەبێتە سەرۆکی جۆرجیا

ئاڤا نیوز

 

یاریزانی پێشووی تۆپی پێ و سیاستەمەداری بەناوبانگ میخائیل کاڤێلاشڤیلی توانی زۆرینەی دەنگی ئەندامانی دەستەی هەڵبژاردن بەدەستبهێنێت و ببێتە سەرۆکی جۆرجیا.

 

زانیاریی بەدەستهاتوو: میخائیل کاڤێلاشڤیلی تاکە کاندید بوو بۆ پۆستی سەرۆکایەتیی جۆرجیا. ئەمرۆ شەممە ڕێککەوتی 14-12-2024، توانی لە کۆی 225 دەنگ، دەنگی 224 ئەندام بەدەستبهێنێت و پۆستەکە وەربگرێت و ببێتە سەرۆکی نوێی جۆرجیا.

 

ئەوەی لەبارەیەوە دەگوترێت: سالۆم زورابیچڤیلی، سەرۆکی پێشووی جۆرجیا ڕایدەگەیێنێت، ''ئەم هەڵبژاردنەی سەرۆکایەتیی یاسایی نییە، بۆ هیچ شوێنێک ناڕۆم و لە ئۆفیسەکەم دەمێنمەوە''.

 

ئەوەش بزانە: هەڵبژاردنەکانی جۆرجیا لە مانگی ئۆکتۆبەردا بەڕێوەچوو، پارتی 'خەون'ـی جۆرجیا کە کاڤێلاشڤیلی کاندیدی پارتەکە بوو توانیان بە %53.93ـی دەنگەکان سەرکەوتن بەدەستبهێنن.

 
باکگراوند:  میخائیل کاڤێلاشڤیلی تەمەن 53 ساڵ یاریزانی پێشووی یانەی مانجێستەر سیتی بوو لە ساڵانی 1990.