پارتێکی نوێی سوننە دێتە گۆڕەپانی سیاسی عێراق

ئاڤا نیوز

 

بەشێک لە بەرپرس و سەرکردەکان دوای جیابوونەوەیان لە حیزبەکەی خەمیس خەنجەر. حیزبێکی نوێیان بە ناوی "سەرحی نیشتمانی" دامەزراند، حەلبووسیش پیرۆزباییان لێدەکات.

 

وێنە گەورەکە: بە ئامادەبوونی محەممەد حەلبووسی، سەرۆکی پارتی تەقەدووم و جەمال کەربوولی، سەرۆکی پارتی حەل و چەندین سەرکردە و پەرلەمانتاری دیکە لە بەغدا، حیزبێکی نوێ بە ناوی " سەرحی نیشتیمانی" ڕاگەیێنرا کە سەرکردە و بەرپرسانی گەورەی پارتی سیادە بوون پێشتر.

 

ئەوەی پێویستە بیزانیت: مستەفا کوبەیسی کە پێشتر سەرۆکی حیزبی مەشروعی نیشتمایی بوو، بە ئەمینداری گشتیی حیزبی سەرحی نیشتیمانی هەڵبژێردرا، هاوکات جەواد جبووری بە جێگری ئەمینداری گشتیی حیزبەکە دیاریکرا.

 

ڕاگەیێنراوی فەرمی: مستەفا کوبەیسی، ئەمینداری گشتیی حیزبی سەرحی نیشتمانی لە دوای هەڵبژاردنی وەکو ئەمینداری حیزبەکە ڕایگەیاند: "ئەمڕۆ پرۆژەی سەرحی نیشتمانی ڕادەگەیێنین کە پرۆژەیەکی نوێیە لە چوارچێوەی دەستووری عێراق و ڕێساکانی کاری سیاسی و نیشتمانییە و هزرە و بەرنامەکەی لە دەرەوە هاوردە ناکات".