پلاندانانی عێراق: مانگی 2ـی ساڵی داهاتوو ئەنجامی کۆتایی سەرژمێریی گشتی ڕادەگەیێنرێت

ئاڤا نیوز

 

وەزارەتی پلاندانانی عێراق کۆتایی هاتنی پرۆسەی سەرژمێریی گشتی بەسەرکەوتوویی لە هەموو پارێزگاکانی عێراق و هەرێمی کوردستان ڕاگەیاند. هاوکات گوتیشی: مانگی شوباتی ساڵی داهاتوو ئەنجامی کۆتایی سەرژمێریی گشتی ڕادەگەیێنین.

 

ڕاگەیێنراوی فەرمی: وەزارەتی پلاندانانی عێراق ڕایگەیاند: هەموو قۆناغەکانی کارکردنی پرۆسەی سەرژمێری سەرکەوتنێکی گەورەی بەخۆیەوە بینی و تەواوی پرۆسەکە ئەلیکترۆنی بوو، ئەنجامی کۆتایی پرۆسەکەش لە مانگی 2ـی ساڵی داهاتوو ڕادەگەیێنرێت.

 

ئەوەی پێویستە بیزانیت: قۆناغی یەکەمی سەرژمێریی لە 20 بۆ 22 مانگی 11 بەڕێوەچوو، کە بریتی بوو لە پرۆسەی ژمارەدان و گەمارۆسازی، قۆناغی دووەمیش بریتی بوو لە کۆکردنەوەی زانیاریی دەربارەی وردەکاریی ژیانی هاووڵاتیان.