سێ ڕۆژ پشوو بۆ کوردانی ئێزدی ڕادەگەیێنرێت

ئاڤا نیوز

 

پارێزگاری نەینەوا سێ ڕۆژی ئەم مانگە وەک پشووی فەرمی بەبۆنەی جەژنی ڕۆژوو بۆ کوردانی ئێزدی ڕادەگەیێنێت.

 

وێنە گەورەکە: کوردانی ئێزدی لە سەرانسەری جیهان، ساڵانە لە دوایین ڕۆژەکانی سێشەممە، چوارشەممە و پێنجشەممەی مانگی کانوونی یەکەمی هەموو ساڵێک کە کورتترین و ساردترین ڕۆژەکانی ساڵە بەڕۆژوو دەبن و ڕۆژی هەینی دەکەنە جەژنی ڕۆژووگرتن.

 

ڕاگەیێنراوی فەرمی: پارێزگاری نەینەوا ڕایگەیاند: بەبۆنەی جەژنی ڕۆژووەوە، ڕۆژانی 17، 18 و 19ـی مانگی کانوونی یەکەمی ئەمساڵ، دەوامی فەرمی بۆ کوردانی ئێزدی لە پارێزگای نەینەوا ڕادەگیرێت.

 

ئەمەش بزانە: ئێزدییەکان ساڵانە هەشت جەژنیان هەیە و لەدوای جەژنی چوارشەممە سوورە، جەژنی ڕۆژووبوون پیرۆزترین جەژنی ئێزدییه‌كانه‌.