هەڵمەتی دەستبەسەرداگرتنی ئۆتۆمبێلی بێسەرەتا بەردەوامە

ئاڤا نیوز

 

بەڕێوەبەرایەتیی هاتوچۆی سلێمانی باس لەوە دەکات، هەڵمەتی دەستبەسەرداگرتنی ئۆتۆمبێلە بێسەرەتاکان بەردەوامە و ڕۆژانە دەست بەسەر ئۆتۆمبێلی بێسەرەتا دەگرن.

 

وێنە گەورەکە: وەزارەتی ناوخۆی حکومەتی هەرێمی کوردستان بە بڕیار ڕێگری کردووە لەوە ئۆتۆمبێلانەی بێسەرەتان یاخود بڕاوەن بچنە سەر شەقامەکان، ئەمەش لە پێناوی پاراستنی سەلامەتی هاووڵاتییان بووە.

 

لێدوانی فەرمی: عەمید ئاسۆ حەمەئەمین، بەڕێوەبەری هاتوچۆی سلێمانی، بە ئاڤا نیوز ڕاگەیاند: لیژنەی باڵا پێکنەهێنراوە و لیژنەی ئەمنی سلێمانی کارەکان دەکات، هەروەها هەڵمەتی دەستبەسەرداگرتنی ئۆتۆمبێلە بێسەرەتاکان بەردەوامە و ڕۆژانەیە، ئەو ئۆتۆمبێلانەش ڕادەگرین تاوەکو بڕیارێکیان لەبارەوە دەدرێت.

 

بەڕێوەبەری هاتووچۆی سلێمانی دەڵێت: بڕیاری پێبژاردن، حیجزکردن،، بەردانی ئەو ئۆتۆمبێلانە لای ئێمە و پارێزگای سلێمانی نییە، بەڵکو دەبێت ئەنجوومەنی وەزیران بڕیاری لەسەر بدات.