وەزارەتی دارایی لیستی مووچەی مانگی 10 بڵاودەکاتەوە

ئاڤا نیوز

شاندی هەرێمی کوردستان دوای سەردانی ڕۆژی ڕابردوویان بۆ بەغدا گەڕانەوە کوردستان، بڕیارە ئەمڕۆ وەزارەتی دارایی لیستی مووچەی مانگی 10 ڕابگەیێنێت و لەماوەی چەند ڕۆژێکدا دابەشی دەکرێت.

 

وێنە گەورەکە: نۆ ڕۆژ ماوە بۆ داخستنی هەژماری دارایی ساڵ لە عێراق، هەوڵەکان بۆ ئەوەن پێش ئەو وادەیە مووچەی سێ مانگی کۆتایی ساڵی 2024ـی مووچەخۆرانی هەرێمی کوردستان گەرەنتی بکرێت. بۆ ئەو مەبەستەش دوێنێ شاندێکی هەرێم لە بەغدا بوون لەگەڵ شاندێکی وەزارەتی دارایی کۆبوونەوە و لێکتێگەیشتنی ئەرێنیان هەبوو.

 

زانیاریی تایبەت: بەگوێرەی ئەو زانیارییانەی ئاڤا میدیا لە وەزارەتی دارایی هەرێمی کوردستان وەریگرتووە، ئەمڕۆ دووشەممە لیستی مووچەی مانگی 10 بڵاودەکرێتەوە و سبەی سێشەممە دەست بە دابەشکردنی مووچە دەکرێت و لەچەند ڕۆژێکدا تەواو دەبێت.

 

ئەمەش بزانە: لە کۆبوونەوەی نێوان شاندی هەولێر و بەغدا بڕیار دراوە، لیژنەیەکی هاوبەش لەنێوان هەردوو وەزارەتی دارایی هەرێمی کوردستان و حکومەتی فیدراڵی بۆ چارەسەرکرنی گرفتە تەکنیکییەکان پێکبهێنرێت و تیمێکی وەزارەتی دارایی فیدڕاڵ سەردانی کوردستان بکەن بۆ چارەسەری بەشێک لە گرفتە تەکنیکییەکان.