مامۆستایانی گرێبەست لە چەند ڕۆژێکدا سێ مووچە وەردەگرن

 ئاڤا نیوز

 

مامۆستایانی  گرێبەست لە چەند ڕۆژێکدا سێ مووچە وەردەگرن  کە شایستەی دارایی مانگەکانی 7 و 8، هاوکات لەگەڵ دابەشکردنی مووچەی مانگی 10 وەزارەتی پەروەردە شایستەی مانگی 10ـی بۆ خەرج دەکرێت. 

 

وێنە گەورەکە: بەشێک لە پەروەردەکانی سنووری سلێمانی شایستەی دارایی مانگی 7 و 8ـیان وەرگرتووە بڕیارە لەم هەفتەیە پەروەردەکانی هەولێر و دهۆکـیش بگرێتەوە، هاوکات سبەی سێشەممە دەست بە دابەشکردنی مووچەی مانگی 10 دەکرێت و مامۆستایانی گرێبەست لەگەڵ وەزارەتی پەروەردە مووچە وەردەگرن.

 

لێدوانی فەرمی: عومەر عەلی، بەڕێوەبەری گشتیی پەروەردەی دهۆک بە ئاڤا نیوزی گوت، "گەنجینەکان بەشێک لە پەروەردەکانیان ئاگادار کردووەتەوە کە چەکەکانیان ئامادەبکەن بۆ خەرجکردنی شایستە دارایی مانگەکانی 7 و 8."

 

ئەوەی پێویستە بیزانیت: مامۆستایانی گرێبەست بڕی 400 هەزار دینار وەک شایستەی دارایی مانگەکانی 7 و 8 وەردەگرن کە پێش بڕیاری بە گرێبەستبوونیان و لەسەردەمی وانەبێژیدا وەریاننەگرتووە، هاوکات شایستەی دارایی مانگی 10 یان بەتەواوی بۆ خەرج دەکرێت.